1. crawl (Off)
[ 07 Oct 2013, 2:11 ]

ბუ - ეს ფრინველი ფართოდაა გავრცელებული მსოფლიოში. აერთიანებს ორი ოჯახის 133 სახეობას.
საქართველოში შვიდი სახეობის: რუხი ბუ, ზარნაშო, წყრომი, ოლოლი(ანუ ყურებიანი ბუ), ჭაობის ბუ, ბუკიოტი, ბუკნაჭოტი.
ბუსნაირთა ნამარხი ფორმები ცნობილია ეოცენიდან, თანამედროვე გვარების წარმომადგენლები ნაპოვნია ოლიგოცენში. ბუსნაირთა ბუმბული რბილია, დამატებით ღეპეპს არ შეიცავს, უკაკვო სხივები წაგრძელებულია, რითაც აიხსნება ბუმბულოვანი საფარველის სირბილე და უხმაურო ფრენა. ზომით მდედრი ჭარბობს მამრს. სახის ბუმბული წარმოქმნის ე.წ "სახის დისკოს" რომელიც მხოლოდ ამ რიგის წარმომადგენლებისთვისაა დამახასიათებელი და ასიმეტრიულ ყურებთან ერთად სალოკაციო მნიშვნელობა აქვს. ბუსნაირებს მოკლე და მოკაუჭებული ნისკარტი, ბასრი ბრჭყალები, თითქმის ბრჭყალებამდე შებუმბული ოთხთითიანი(მეოთხე თითს შეუძლია უკან მობრუნება) ფეხები, დიდი ზომის თვალები, ძლიერ მოძრავი კისერი(შეუძლია თავის შემობრუნება 270 გრადუსით) და ასევე მეტად მახვილი სმენა აქვთ. კისერი 14 მალისგან შედგება, გულმკერდის მალები თავისუფლად ბოლოვდება და "მკერდის ძვალს" არ ქმნის. აქვთ კარგად განვითარებული მბგერი იოგი, რომლის საშუალებითაც მრავალნაირ ბგერას გამოსცემენ. უმრავლესობა მეღამურ ცხოვრებას ეწევა. მობინადრე ფრინველია. ბუდობენ ხეთა ფუღუროებში, გამოქვაბულებში, სოროებში. დებენ საშუალოდ 4-5 კვერცხს. იკვებებიან მღრღნელებით.


თეთრი ბუ - (bubo scandiacas,სინონიმები - bubo scandiaca, nyctea scandiaca)
ნამდვილ ბუსებრთა ოჯახის ფრინველი. გავრცელებულია ჩრდილოეთ ამერიკის, ევროპის და აზიის ტუნდრის ზონაში და ჩრდილოეთ ყინულოვანი ოკეანის ზოგიერთ კუნძულზე. მომთაბარეა, ზამთარში ველების ზონამდე ინაცვლებს. თეთრ ბუმბულზე მეტ-ნაკლებად შესამჩნევი მუქი ლაქები აქვს. მისი სხეულის სიგრძეა 55-65სმ, ფრთების შლილი 150-160სმ. იკვებება ლემინგებით.

სიმბოლიკა

ბუს სიმბოლური მნიშვნელობა ორმაგია. ერთისმხრივ აღმნიშვნელია როგორც სიბრძნის სიმბოლო, მისი გამოსახულება ხშირად გვხვდება სხვადასხვა სამეცნიერო გამომცემლობის ლოგოტიპებზე. თუმცა არსებობს ამის საწინააღმდეგო მოსაზრებაც, ბუ თავის ღამის ცხოვრებიდან გამომდინარე უარყოფით როლს თამაშობს ხალხურ გადმოცემებში.
ძველ ეგვიპტეში, ინდოეთში, ცენტრალურ და ჩრდილო ამერიკაში, ჩინეთში და იაპონიაში სიკვდილის ფრინველად ითვლება, როგორც ღამის ფრინველი ის არის სევდის, ნოსტალგიის და მარტოობის სიმბოლო. ეგვიპტურ იეროგლიფებში ბუ სიკვდილის, ღამის, სიცივის და პასიურობის სიმბოლოს აღნიშნავს. იუდაიზმში ღამის დემონი ლილიტი ბუს სახით წარმოგვიდგება. ინდუიზმში კი გამოიხატება როგორც ბნელ ქალღმერთ დურგის ღვთაებრივი ცხოველი, რომელიც სულებს მკვდართა სამეფოში მიაცილებდა. ასევე მაიას სიკვდილის ღმერთ ხუნხაუს ხშირად აქვს ბუს თავი, თუმცა ამავდროულად ჩრდილოეთ ამერიკის სხვა ინდიელებისთვის ბუ სიბრძნის სიმბოლოს წარმოადგენდა, წინასწარმეტყველებაში იყო ნათქვამი რომ მას შეეძლო დახმარება. მისი ბუმბული გამოიყენებოდა როგორც აქსესუარი, რომელსაც დაცვის ფუნქცია ჰქონდა.
ძველ მექსიკურ კულტურაში, აცტეკების პერიოდამდე (ტეოტიხუაკან) ბუ ითვლებოდა ღმერთების ღმერთად, მაშინ როდესაც აცტეკების იმპერიის დროს ის უბედურების მომასწავლებელი იყო. ჩინეთში ბუ განიხილება როგორც ფენიქსის ნეგატიური გამოვლინება. შანის დინასტიის ეპოქაში კი დადებითი სიმბოლური მნიშვნელობა ჰქონდა., ხშირად გამოისახებოდა ბრინჯაოს სხვადასხვა ჭურჭელზე.
ბერძნულ - რომაულ ტრადიციებში კი ბუ ასევე სიბრძნის სიმბოლოს წარმოადგენდა, რომელიც ქალღმერთ ათენას (მინერვა) თანამგზავრი იყო.

წყარო:intermedia.ge
[Pasuxi][Cit]|

3. crawl (Off)
[ 07 Oct 2013, 2:33 ]
heretique, warmodgena ar maqvs. versad mivageni
[Pasuxi][Cit]|

5. crawl (Off)
[ 07 Oct 2013, 2:39 ]
heretique, me piradad saertod ar momwons es frinveli ratomgac. sheni xatrit gavxseni tema )
[Pasuxi][Cit]|

7. chino (Off)
[ 07 Oct 2013, 7:47 ]
kargi temaa + chemgan.

me dadebitad var ganwyobili am prinvelisadmi, magram game ro yvirian xolme tan marto ro mivdivar cota ariyos usiamovnoa.
[Pasuxi][Cit]|