მარლონ ბრანდო

1. LILITH [Mod] (Off)
[ 29 Sep 2013, 22:42 ]
3 აპრილს ყველა დროის ყველასათვის საყვარელი მსახიობის - მარლონ ბრანდოს დაბადებიდან 84 წელი შესრულდა. მისი მონაწილეობით გადაღებული ფილმები - ”ოცნებების ტრამვაი”, ”უკანასკნელი ტანგო პარიზში” , ”ნათლიმამა” და სხვა კინოსურათები, მაყურებელში ყოველთვის განსაკუთრებულ ინტერესს იწვევდა და მსოფლიოს დიდი კინოთეატრების დარბაზებს ავსებდა. დიახ, განუმეორებელი იყო მსახიობის ოსტატობა და არანაკლებ მომნუსხველი გახლდათ მისი მამაკაცური შარმი. ”კინოგალერეა” ახლა ამ ადამიანის შესახებ გაგესაუბრებათ.

მარლონ ბრანდოს ბიოგრაფია, ეს ერთი დიდი გაუგებრობაა. თითოეული შემოთავაზებული როლი მას აბსურდამდე დაჰყავდა, მისი ცხოვრების თოთოეული მოვლენა შეკსპირისეულ მაშტაბებს იძენდა. იგი უარს აცხადებდა ტექსტების ზეპირად სწავლაზე, სარკაზმით აღნიშნავდა, რომ მსახიობის ყოფა, ჩვეულებრივი მეძავის ყოფისაგან არაფრით განსხვავდებოდა და რაც ყველაზე მთავარია, ნანობდა, რომ ჰოლივუდში მუშაობაზე მხოლოდ იმიტომ ვერ ამბობდა უარს, რომ აქ გამომუშავებულ ფულს ვერ ელეოდა.

ეკრანებზე სულ ახლად გამოსული ფილმებიდან, იგი როგორც წესი, მთავრი გმირის შემსრულებელ მსახიობზე მეტს იღებდა და მორიგი ”სუპერმენის” განსასახიერებლად მილიონების მფლობელი ხდებოდა, თუმცა, სიცოცხლის უკანასკნელ წლებში, მარლონ ბრანდოს პრაქტიკულად არაფერი ებადა.

ვესტერნი ”ცალთავალა ვალეტები” - ეს იყო ერთადერთი ფილმი, რომელიც მარლონ ბრანდოს რეჟისორობით გადაიღეს. უნდა ითქვას, რომ კინოსურათმა ვერ გაიბრწყინა. წარუმატებელი აღმოჩნდა მისი კინოროლიც ლუის მაილსტოუნის ფილმში -”აჯანყება ბაუნტიზე”, ამის შემდეგ მსახიობი 1980-იან წლებში ეკრანებზე აღარ გამოჩენილა. მიუხედავად ამისა, 90-იანებში, შვიდ არც თუ ისე ძლიერ ფილმებში გამოჩენით, აშკარა გახდა, რომ თურმე მას მაყურებლის სიმპათია წამითაც არ დაუკარგავს.

პირველი ”ოსკარი” მარლონ ბრანდომ ფილმისათვის ”პორტში” მიიღო, იგი დოკერს ანსახიერებდა, რომელიც მაფიოზ პროფკავშირელებს ამხელდა. ეს ’ოსკარი” მას 1970 წელს მოპარეს. მან მოგვიანებით კინოაკადემიას თხოვნით მიმართა, მისთვის ახალი ქადაკება გაეგზავნათ, თუმცა ორი წლის შემდეგ, მას ეს უკვე აღარ დასჭირდა, მეტიც, დონ კორლეონის როლისათვის კუთვნილი ”ოსკარი” მსახიობმა არ მიიღო. დაჯილდოების ცერემონიაზე მის ნაცვლად სცენაზე ახალგაზრდა ინდიელი გოგონა ავიდა და გამოაცხადა, რომ მარლონ ბრანდო, უარს ამბობდა ”ოსკარზე”, ამერიკის ადგილობრივი მცხოვრები ინდიელების გენოციდის გამო.

როგორი იყო ბრანდო ეკრანის მიღმა როლის მორგების პერიოდში?! მაგალითად, პარალიზებული ვეტერანის განსასახიერებლად, იგი სპეციალურ კლინიკაში თვეზე მეტხანს იწვა და საერთოდ, არ აქვს მნიშვნელობა, მოტოციკლისტების ბანდის წინამძღოლს თამაშობდა იგი თუ მოხუც დონ კორლეონს, ყველა შემთხვევაში და ყოველთვის, იგი ”ბუნებაზე გამარჯვებას” ზეიმობდა.
მსახიობმა დიდი თავსატეხი გაუჩინა თავის დროზე ფილმ ”აპოკალიპსისის” ავტორებსა და მთელს გადამღებ ჯგუფს. კინემატოგრაფიულ წრეებში მაშინ საუბრობდნენ, რომ ის არაადეკვატური იყო, იქცეოდა ისე, თითქოს არა როლის შემსრულებელი, არამედ თავად სადისტი კურცი იყო. საზღვარგარეთაც, ჟურნალისტები წერდნენ მის მაზოხიზმზე. ისიც კი ითქვა, რომ ზემოთაღნიშნულ ფილმში სადისტური სცენა, მას განსაკუთრებულ სიამოვნებას ანიჭებდა და რომ ფილმი ”ცალთავალა ვალეტები” მან მხოლოდ ერთი რაღაცის გამო გადაიღო - მთავარ გმირს ბანდიტები იქ ხელებს ამტვრევდნენ, ეს კი რეჟისორისთვის შესანიშნავი რამ გახლდათ.
სინამდვილეში არავინ იცის, ეს სიმართლეს შეეფერებოდა თუ არა, მაგრამ ფაქტია, მარლონ ბრანდო მუდმივად მშფოთვარე და არაორდინალურ ცხოვრებას ეწეოდა. ალბათ იმიტომ, რომ მსახიობის ნიჭი კონკურეციას ითხოვდა, კონკურენტი მისდა საუბედუროდ არ ჰყოლია, ასეთ ვითარებაში კი არაფერი რჩებოდა, გარდა იმისა, რომ საკუთარ თავში ეპოვა ვიღაც არატიპიური, სხვა პიროვნება და ხელოვანი.

წყარო avtoradio.ge

[Pasuxi][Cit]|