პირადი ჰოროსკოპი

1. LILITH [Mod] (Off)
[ 24 Sep 2013, 20:45 ]
პირადი ჰოროსკოპი,იგივე ნატალური რუკა,ასახავს ადამიანის დაბადების მომენტში რომელი პლანეტა რომელ ზოდიაქოს ნიშანსა და სახლში იმყოფებოდა. ამის საშუალებით შევძლებთ დავადგინოთ ჩვენი და სხვების ხასიათების თავისებურებებს,სხვა ნიშნებთან შეწყობის ხარისხს,ასევე იმას,თუ რა სახის საქმე მოგვიტანს წარმატებას,რამდენად გაგვიმართლებს უცხოეთში და უამრავ სხვა რამეს.

ყურადღება !!!

პირადი რუკის შესადგენად აუცილებლად უნდა ვიცოდეთ ჩვენი დაბადების წელი,რიცხვი,თვე,ადგილი და ზუსტი დრო.( თუ არ ვიცით საათი,რა დროს დავიბადეთ,მაშინ ეს იქნება კოსმოგრამა და არა ნატალური რუკა. შესაბამისად,ინფორმაციაც იქნება ზოგადი)

ადამიანის ძირითადი ნიშანი განისაზღვრება იმით,თუ სად მდებარეობდა მზე მისი დაბადების მომენტში. მაგალითად, მე ვარ თევზი, შესაბამისად, ჩემი დაბადების მომენტში მზე იყო თევზების ნიშანში.
მზის გარდა უდიდეს გავლენას ახდენს ასცენდენტი,რაც გამოხატავს პიროვნულ იმიჯს,მის გარეგნულ მახასიათებლებსა და ქცევის წესებს. ასცენდენტი განსაღვრავს როგორ აღიქვამენ სხვები ამა თუ იმ პიროვნების ქცევას,მის გარეგნულ მხარეს, როგორ რეალიზებას უკეთებს ადამიანი საკუთარ პიროვნებას.

დესცენდენტი გახლავთ ასცენდენტის საპირისპირო.ის აღნიშნავს ჩვენს დამოკიდებულებასა და მოთხოვნებს პარტნიორის მიმართ.

მედიუმ კოელი აღნიშნავს იმ გზას,რასაც ვირჩევთ კარიერისა და მიზნების მისაღწევად.

ისცენდენტი აღნიშნავს ჩვენს დამოკიდებულებას ოჯახთან,მშობლებთან.

ჰოროსკოპის სახლებს ასევე თავიანი მნიშვნელობები აქვთ. აქ გაეცნობით,რას აღნიშნავენ ისინი ზოგადად.

http://astrologia.ge/%E1%83...1%83%91%E1%83%98/

თითოეულის რუკა დაყოფილია 12 ნაწილად, ანუ 12 სახლად. ნიშანი გავლენას ახდენს პლანეტის მოქმედებაზე და მიუთითებს როგორ მოქმედებს პლანეტა, ხოლო სახლი,რომელშიც პლანეტა მდებარეობს მიუთითებს ცხოვრების რა სფეროზე ახდენს პლანეტა გავლენას.
(img:4839958752286)

I სახლი - ესაა იგივე ასცენდენტი. განაპირობებს გარეგნულ და ზედაპირულ თვისებებს, მოიცავს იმ თვისებებს, რასაც გარშემომყოფები პირველი შეხედვით ამჩნევენ ჩვენში, ხოლო ოპოზიციური მზის ნიშანი მიუთითებს იმ თვისებებზე,რაც შინაგანად გაქვთ. როგორ არვიქვამთ სამყაროს, სამყაროს გაგება ჩვენს მიერ. პირველი სახლის მმართველი არის ვერძი
II სახლი - ფული და მატერიალური ფასეულობები,შემოსავლები, საქმიანი აქტიურობა, პირადი ფასეულობები, ღირებულებები. ყველანაირი რესურსები - სულიერიც და მატერიალურიც. მეორე სახლს მართავს კურო
III სახლი - გარემოსთან ურთიერთობის სახეები, კომუნიკაციები, სხვებთან ურთიერთობის, საუბრის სტილი, ე.წ. „უმდაბლესი გონება“ (ფაქტების აღქმა,გადამუშავება), ხანმოკლე მოგზაურობები, დები და ძმები, მეზობლები, ყველაფერი რაც მკლავებს ეხება. მესამე სახლს მართავს ტყუპები
IV სახლი- ფესვები, სამშობლო, წინაპრები. სამყაროს გაგების თქვენეული გზა. ქვეცნობიერი პროგრამები. თქვენი სახლი, ზოგადად საცხოვრებელი გარემო, ადრეული წლები, ბავშვობა, მშობლების გავლენა, უმეტესად მამის. ასევე ეს სახლი უთითებს ვინ და როგორი ვიქნებით ცხოვრების ბოლო მესამედში. რაც უფრო ასაკში შეხვალთ, მით უფრო დაემსგავსებით იმ ნიშანს, რომელიც თქვენს მეოთხე სახლს შეესაბამება (ასევე თუ პლანეტებია მეოთხე სახლში, პლანეტების მახასიათებლებიც მოიმატებს). მეოთხე სახლს მართავს კირჩხიბი
V სახლი- შემოქმედება, რომანტიული ურთიერთობები, ბავშვები, კრეატიულობა, გემბლინგით გატაცება და სპეკულაციები, ჰობი, გატაცებები, გართობა და თამაშები. მეხუთე სახლს მართავს ლომი
VI სახლი- შემოქმედების მატერიაში, სამყაროში განხორციელება, სამსახური და მომსახურება, თანამშრომლები, გაცემა და მიღება ერთდროულად. ეს სახლი კარიერაზე არ მეტყველებს, მაგრამ მუშაობის სტილზე და ხარისხზე-კი. ასევე ჯანმრთელობაზე, დიეტაზე, ავადმყოფობებზე მიუთითებს. მეექსვე სახლი იმართება ქალწულით.
VII სახლი- ორიენტირება სოციუმზე, ყურადღების ცენტრშია არა "მე", არამედ "ჩვენ" და "ისინი". ქორწინება და პარტნიორობა. საქმიანი ურთიერთობები. როცა ვინმე თანასწორს აღმოაჩენთ გვერდით, იყენებთ მე-7 სახლს, ამიტომ ეს სახლი ირთვება უფრო ქორწინების და საქმიანი პარტნიორების შემთხვევაში,ასევე მიუთითებს ღია მტრებზე და მათ მახასიათებლებზე. მეშვიდე სახლს მართავს სასწორი
VIII სახლი- სიცოცხლე, სიკვდილი, ხელახლა დაბადება, განახლება. ესაა მეორე სახლის საპირისპირო სახლი და მართავს სხვათა (თქვენი ახლობლების,თუნდაც მეუღლის) ფულს,ფინანსებს,ღირებულებებს, მათ გავლენას თქვენზე.უსაფრთხოების, მასობრივი არეულობების, სოციუმის სახლია. მეხუთე სახლი რომანტიულ ურთიერთობას მართავს, ხოლო მის საპირისპიროდ მე-8 სახლი სექსს და მისდამი დამოკიდებულებას, სექსის სტილს, ნებისმიერი სახის ფეტიშს, ტაბუს სწორედ მე-8 სახლის ნიშანი ხსნის. მერვე სახლს მართავს მორიელი.
IX სახლი - რელიგიურობა, რელიგია, ფილოსოფია,უმაღლესი განათლება, ე.წ. „უმაღლესი გონება“ (ზოგადი ფასეული პრინციპების,ღირებულებების ჩამოყალიბება), ზოგადად ეს სახლი მიუთითებს პრინციპებზე, ასევე ხანგრძლივ მოგზაურობებზე გვაწვდის ინფორმაციას. მეცხრე სახლს მართავს მშვილდოსანი
X სახლი - კარიერა, საზოგადო სახე, ცხოვრებისეული მიღწევები, ამბიციები, ორგანიზაციული უნარები. მეათე სახლი მიუთითებს მშობლების გავლენაზე, განსაკუთრებით დედის. მეათე სახლს მართავს თხის რქა
XI სახლი- მეგობრები, იმედები,სურვილები, ხალხთა ჯგუფთან ჩვენი ურთიერთობები და დამოკიდებულებები,სოციუმი. მეთერთმეტე სახლს მართავს მერწყული
XII სახლი- ფსიქოლოგიური პრობლემები, შეზღუდვები და შეზღუდვის ადგილები (ციხე,საავადმყოფო), ფარული მტრები, ძლიერი მე-12 სახლი მიუთითებს ძლიერ ინტუიციაზე. მეთორმეტე სახლს მართავს თევზები.
გადახედეთ თქვენს რუკას, რომელი სახლი რა ნიშნით იწყება? იმ ნიშნის მმართველი მართავს სახლს. უფრო გასაგები რომ იყოს, იხილეთ რუკის მაგალითი
(img:4839963552406)
რაც შეეხება ზოდიაქოს ნიშნების მმართველებს, კლასიკური ასტროლოგიის მიხედვით, მმართველები შემდეგნაირად ნაწილდება:
(img:4839968472529)
წყარო:
astro-archive.blogspot.com

აქ გაეცნობით პლანეტათა მნიშვნელობებს.

http://astrologia.ge/%E1%83...1%83%91%E1%83%98/

სხვადასხვა პლანეტები ერთმანეთთან ქმნიან ასევე ასპექტებს,ე.წ ტრინებს,კვადრატურებს,სექსტილებს და ა.შ ყოველ მათგანს თავისი ფუნქცია აქვს ადამიანის
ნატალურ რუკაში და მოგვითხრობს გარკვეულ მოვლენაზე პიროვნების ცხოვრებაში.

აქ გაეცნობით ამ ასპექტებს.

http://astrologia.ge/%E1%83...1%83%91%E1%83%98/

როგორ შევადგინოთ პირადი რუკა? ამისთვის არსებობს სპეცალური საიტები და პროგრამები. აი ისინიც

პროგრამა ზეტი

http://zaytsev.com/downloads.html

საიტი

http://astro-online.ru/natal.html

გეტყვით,რომ პროგრამა უფრო ზუსტი და სანდოა.

ნატალური რუკა ასე გამოიყურება

ნიმუში

სადაც სიმბოლოები ნიშნავს შემდეგს

rasac ver gaigebT,mkiTxeT

რეტროგრადული პლანეტები - ზოგადი აღწერა

მერკური
ცდილობს ანალიზი გაუკეთოს უკვე დაგროვილ (შეძენილ) ინფორმაციას. ეს არის
კრიტიკული გონება, რომელიც ცდილობს წარსულის შესწავლას და წარსული
მოვლენების გადახედვას. ასეთი ადამიანი ნაკლებადაა ორიენტირებული ახალ
ურთიერთობებსა და გამოცდილებაზე. ასეთ ადამიანს უჭირს აზროვნება და
რაიმეზე კონცენტრაცია, ასევე აქვს პრობლემები სწავლასთან. არაპრაქტიკულია,
ნერვიული და არასტაბილური. უჭირს არსებულ სიტუაციასთან შეგუება. ეს
ყველაფერი არის ქაოტური ცხოვრების შედეგი. ინტელექტის განვითარება ასეთ
ადამიანს დაეწყება მაშინ როდესაც მერკური იქნება დირექტული. რეტროგრადული
მერკური აიძულებს ადამიანს გამოიმუშავოს დისციპლინა რათა შეეძლოს დაწყებული
საქმის ბოლომდე მიყვანა.

ვენერა ფოკუსირება შიდა
ჰარმონიაზე. ეს უფრო მნიშვნელოვანია მისთვის ვიდრე სხვას რომ მოსწონდეს.
მისი გრძნობები დამოკიდებულია შიდა სამყაროზე. არ არსებობს ჰარმონია
სიყვარულის მიზეზებსა და კონკრეტულ ნაბიჯებ შორის. აკლია შინაგანი
თავდაჯერებულობა რაც უქმნის პრობლემებს სიყვარულში და საპირისპირო სქესთან
ურთიერთობაში. ადამიანი ვენერის ასეთი მდგომარეობით იტანჯება მარტოობისგან.
აქვს სურვილი იყოს ბედნიერი, მაგრამ თავისი თავის რეალიზება უჩირს.
მისთვის ძნელია დაქორწინება. ეს არის კარმა ემოციურ სფეროში. წარსულ
ცხოვრებაში ადამიანმა ვერ შეძლო იმის გარკვევა თუ რა იყო სიყვარული. ამიტომ
ახლა იტანჯებიან, როგორც მამაკაცები ასევე ქალებიც არიან საკმაოდ
ეჭვიანები. ეჭვიანობის გამო ხშირად ამბობენ სიყვარულზე უარს და ხშირად
ასეთი უგუნურობის გამო საკუთარ თავს ართმევენ ბედნიერების შეაძლებლობას.
ვინაიდან ვენერა ასევე დაკავშირებულია ფულთან, რეტროგრადულ ვენერას ხშირად
შეიძლება პრობლემები ჰქონდეს ფინანსურ მხარესთანაც, მაგრამ როდესაც ვენერა
გახდება დირექტული ადამიანს შეექმნება ისეთი სიტუაციები როდესაც იგი
შეძლებს ამ პრობლემების მოგვარებას.

მარსი წინა ცხოვრებაში
ადამიანს ჰქონდა ცუდი ადაპტაციის უნარი, ადამიანი ცუდად და არასწორედ
ანაწილებდა ენერგიას. ამ ცხოვრებაში გარე გამაღიზიანებელ ფაქტორებზე უჭირს
სწრაფი რეაგირება რადგან თავს დაუცველად გრძნობს. წინდახედული და ფრთხილია
გადაწყვეტილებებში. ამდაგვარი მოქმედება იცავს ბევრი შეცდომებისგან და
ასევე არასწორი საქციელისგან. ეს ადამიანები იმაზე მეტად თავდაჯერებულები
და აგრესიულები არიან, ვიდრე პირველი ნახვისას ჩანს. რეტროგრადული მარსი
შეიძლება გამოვლინდეს, როგორც საკუთარი აგრესიის ჩახშობა. აქედან შეიძლება
განვითარდეს არაადეკვატური რეაქციები ანუ აუტოაგრესია, რაც გულისხმობს
საკუთარ თავთან ბრძოლას. ენერგია რომელიც ვერ პოულობს გამოსავალს შეიძლება
დამანგრეველი აღმოჩნდეს ადამიანისთვის. ამიტომ ამ ენერგიეს სჭირდება
კონტროლი და სწორი მიმართულების მიცემა.

იუპიტერი ეს
მიუთითებს, თუ რის გაკეთება ვერ მოხერხდა წინა ცხოვრებაში. ცხოვრება სავსე
იყო გარკვეული ხარჯებითა და შეზღუდვებით. ადამიანმა ვერ შეძლო საკუთარი
შრომიდან ნაყოფის მიღება. იყო საკუთარი თავით კმაყოფილი და არ სურდა
გარკვეულ მსხვერპლზე წასვლა, არ პროგრესირებდა. ახლა ყველაფერი თავიდან
უნდა დაიწყოს. რეალურ ცხოვრებაში ასეთი პიროვნება ნაკლებად ექცევა
საზოგადოების გავლენის ქვეშ, იგი ეძებს საკუთარ რწმენას და ცხოვრების გზას.
აქვს მხოლოდ საკუთარი თავის იმედი და არაა დამოკიდებული იღბალზე.
შეესაბამებოდეს სოციალურ გარემოს მისთვის საკმაოდ რთული ამოცანაა. აქვს
იმაზე ძლიერი მორალური პრინციპები, ვიდრე პირველი შეხედვიდან ჩანს. აქვს
უნარი გახდეს ბრძენი, რადგან ხშირად სწავლობს საკუთარ შეცდომებზე და
აანალიზებს წარსულს. სხვებს ეხმარება და შთააგონებს საკუთარი თავის რწმენას
და ოპტიმისმს. რელიგია და ფილოსოფიას მისტიურად უდგება. დღევანდელ
რელიგიურ და კულტურულ საკითხებს დიდი სიფრთხილით ეკიდება.

სატურნი
მიუთითებს ცხოვრების იმ სფეროზე სადაც ადამინმა ვერ შეძლო გაზრდა, ანუ
განვითარება. წარსულ ცხოვრებაში უარს ამბობდა ყველანაირ პასუხისმგებლობაზე,
ამიტომ ამ ცხოვრებაში მას მოუწევს იგივე სახის პასუხისმგებლობის აღება
საკუთარ თავზე. ამიტომ სჯობს არ გაექცეთ ამ პრობლემებს და თამამად შეხედოთ
მათ თვალებში. რეტროგრადული სატურნი მიგვითითებს კარმაზე რომლსაც ადამიანი
რამდენიმე ცხოვრების განმავლობაში ვერ ართმევდა თავს, არ ჰყოფნიდა სითამამე
და უაზროდ კარგავდა დროს. შედეგად იგი ღებულობს მძიმე ტვირთს. შული
გრძნობს დაბნეულობას და სიმძიმეს ყველა მხრიდან. განსაკუთრებით კი იმ
სფეროში სადაც ცდილობს პრობლემების თავიდან აცილებას. სატურნი აიძულებს
ადამიანს ფიქრს. ადამიანმა მიიღო წინა ცხოვრებაში გამოცდილება, მაგრამ ვერ
გამოიტანა დასკვნები, ვერაფერი ვერ ისწავლა. ახლა სატურნი მას აძლევს მეორე
შანს. რეტროგრადულ სატურნს აქვს საკმაოდ ძველი და ბრძენი სული, იგი
აფასებს იმას რაც ცხოვრებამ მისცა და სერიოზულად აღიქვამს ამ საჩუქარს.
სატურნის ეს პოზიცია ნაკლებად ექცევა ტრადიციების გავლენის ქვეშ, იგი
ცდილობს საკუთარ თავში ინდივიდუალურობის განვითარებას და საკუთარი ბედის
მართვას. მას გააჩნია მოთმინების დიდი უნარი და არის კონსერვატიული. მისი
პროფესიული საქმიანობა მუდმივად გაუმჯობესების პროცესშია. ეს არის
ადამიანი, რომელიც ყოველთვის ეყრდნობა საკუთარი წარსულის მორალურ
გამოცდილებას. გარეგნულად იგი რბილი ადამიანის შთაბეჭდილებას ტოვებს მაგრამ
სიამდვილეში გააჩნია დიდი შიდა ძალა მკაცრი მორალური მოწყობილობები.
სატურნი არის ჩვენი მთავარი კოსმიური მოსამართლე. სატურნი იღებს კარმულ
ჯარიმებს. ეს არის ერთ ერთი ყველაზე მნიშვნელოვანი პლანეტა, რადგან
სატურნი ეს არის ჭრილობა რომელიც უნდა გამთელდეს ცხოვრების მანძილზე, ხოლო
რეტროგრადული სატურნის გამთელება ბევრად ძნელია. თუ სად მდებარეობს ეს
ჭრილობა მიგვითითებს ზოდიაქოს ნიშანი და სახლი სადაც მდებარეობს სატურნი.

ურანი ადამიანი ასეთი ურანით
ყოველთვის უკმაყოფილოა, რადგან არ ჰყოფნის არსებული სივრცე საარსებოდ. მას
ფგონია რომ იგი არის შებოჭილი და შეზღუდული. იგი აპროტესტებს ყველანაირი
სახის უფლებამოსილებას და იერარქიას. მას არ შეუძლია მეორე ხარისხოვანი
როლის შემსრულებლად ყოფნა ან კიდე ვინმეს თანამშრომლად ყოფნა. იგი
გამოირჩევა თავისი შინაგანი ორიგინალურობით და ექსცენტრიულობით, მაგრამ
უჭირს ამ ყველაფრის გამოხატვა. ასეთი ადამიანი ვერ ეგუება ვერანაირ
ჩარჩოებს. მისი კარმული ვალია იყოს თავისუფლების ცოცხალი განსახიერება. იგი
შეიძლება იყოს რეფორმატორი, რომელიც გაგვახსენებს ძველ მივიწყებულ
სიმართლეს.

ნეპტუნი თამშობს განმათავისუბლებელის როლს
კარმისგან. იგი აქრობს ადამიანის “ეგოს” და ამით ეხმარება ადამიანს
ილუზიებისგან თავის დახწევაში. ადამიანი როგორც კი გააცნობიერებს რომ
ყველაფერი რაც მას რეალობად მიაჩნია სინამდვილეში ილუზიაა, იგი
განთავისუფლდება. შეიძლება განთავისუფლდე ფსევდო ღირებულებებისგან,
რომლებიც წინა ცხოვრებიდან გამოგვყვა. ასეთი ნეპტუნი ხშირად გვხვდება
მისტიკოსების ჰოროსკოპებში. ასეთ ნეპტუნს აქვს მიდრეკილება
თვითანალიზისკენ და ასევე ხშირად ფიქრობს და აანალიზებს საკუთარ ინტუიციურ
აზრებსა და გრძნობებს. ხშირად ესეთი ნეპტუნი აძლევს ადამიანს მუსიკალურ,
მხატვრულ ან პოეტურ ნიჭს, მაგრამ ასევე არის საშიშროება რომ უსაფუძვლო
ოცნებაში ადამიანი შეიძლება მოსწყდეს რეალობას და ილუზიებში ჩაიკარგოს.
ასეთი ადამიანი ვერ უძლებს ერთფეროვნებას და ამითომ ხშირად შვებას პოულობენ
ნარკოტიკებში, ალკოჰოლში, სექსში და მისტიკაში.

პლუტონი
ეს არის ერთ ერთი ყველა ძლიერი კარმული პლანეტა. აძლევს ცხოვრებას
საიდუმლოების ელფერს, აღორძინებისა და ტრანსფორმაციის უნარს. ეს არის
ადამინი რომელსაც სიკვდილ-სიცოცხლის შეგრძნება სულ თანსდევს. პირად
ცხოვრებაში ეს ნიშნავს კავშირს წინა ცხოვრებასთან, ანუ გამოჩნდებიან
კონკრეტული ადამიანები და გარემოებები წინა ცხოვრებიდან. ადამიანი
რეტროგრადული პლუტონით ხშირად შეეტაკება სიკვდილის (გარდაცვალების) რეალურ
და სიმბოლურ მდგომარეობაში, რომელიც მისცემს ადამიანს იმის შესაძლებლობას
რომ ტრანსფორმაცია განიცადოს და აღორძინდეს განვითარების უფრო მაღალ
დონეზე. ეძლევათ გამოცდა ტანჯვის სახით, საიდანაც უფრო ძლიერები გამოდიან.
ასეთი ადამიანი მზადაა შინაგანი ტრანსფორმაციისათვის. მან იცის და გრძნობს
ბევრ რამეს, ხვდება სიმართლეს, მაგრამ არ შეუძლია ამის გამოხატვა. მას აქვს
განსაკუთრებული უნარი ძველი ვალების მოშორების და კარმის შეცვლის. ასეთ
ადამიანზე ვერ მოქმედებს სოციუმის ფსიქოზი. იგი ყოველთვის მუშაობს საკუთარ
თავზე, მაგრამ ეს ღრმადაა დამალული და სოციუმისთვის შეუმჩნეველია.

მთარგმნელი და რედაქტორი: ნინო ბექაური
[Pasuxi][Cit]|
__________
bolo redaqtireba 24 Sep 2013, 21:09; sul 2 -jer