1. Mon Ami
[Adm] (Off)
[ 28 Aug 2013, 3:11 ]
ონიქოფაგიას ანუ ფრჩხილების კვნეტას, წესისამებრ, მავნე ჩვევად მიიჩნევენ. სინამდვილეში ის ფუნქციური ნევროზის სიმპტომია. ონიქოფაგია ნერვული და ნერვულ-ფსიქოპათიური ტიპის ბავშვებსა და ზრდასრულ ადამიანებს ახასიათებთ. ფრჩხილების კვნეტის სურვილი იმდენად ძლიერია, რომ ზრდასრული ადამიანებიც კი ვერ იკავებენ თავს და ნერვული დაძაბულობის წუთებში, შინაურებისა თუ გარეშეთა გარემოცვაში გამალებით იკვნეტენ ფრჩხილების თავისუფალ კიდეებს. უფრო მეტიც - ზოგიერთი მათგანი თავისდა უნებურად ყლაპავს კიდეც მოკვნეტილ ფრჩხილს. კვნეტის პროცესში, გარდა იმისა, რომ ფრჩხილები დეფორმირდება, ზიანდება, დიდია პირის ღრუს ლორწოვანი გარსის ინფიცირების საშიშროება; ღრმად მოკვნეტილი ფრჩხილის დისტალურ კიდეზე ანთება ვითარდება და ზოგჯერ სისხლიც დის. ნერწყვით მუდმივი მაცერაციის გამო ფრჩხილების მოსაზღვრე კანი რბილდება, სკდება და სხვადასხვა ინფექციის კარიბჭედ იქცევა. დაზიანებული ფრჩხილების ფირფიტები დისტროფიულ ცვლილებებს განიცდის, გადაყლაპული მასა კი სხვადასხვა ინფექციური დაავადების წყაროა!
[Pasuxi][Cit]|