1. GERMANNE (Off)
[ 23 Oct 2013, 5:05 ]
დაახლოებით წელიწადნახევრის წინ დამისვეს პანკრეასის კიბოს დიაგნოზი. მანამდე, ისიც კი არ ვიცოდი პანკრეასი რა იყო. ექიმებმა მითხრეს, რომ ჩემი დაავადება არ ექვემდებარებოდა მკურნალობას და სიცოცხლის სულ რაღაც 3-6 თვე დამრჩენოდა. პირადმა ექიმმა მირჩია წავსულიყავი სახლში და მიმეხედა საქმეებისთვის, რაც ექიმების ენაზე ნიშნავს, რომ მოვმზადებულიყავი სიკვდილთან შესახვედრად. ეს ნიშნავს, რომ სცადო, 2 თვეში უთხრა შვილებს ყველაფერი ის, რაც უნდა გეთქვა მომდევნო 10 წლის მანძილზე. ეს ნიშნავს, რომ დარწმუნდე ყველაფერი ბედნიერად აეწყო, რომ შენმა ოჯახმა რაც შეიძლება მეტად იგრძნოს შვება.

მთელი დღე ამ დიაგნოზზე ფიქრში გავატარე. იმავე დღეს, საღამოს გამიკეთეს ბიოფსია - მიკროსკოპით შეისწავლეს სიმსივნის უჯრედები. ჩემმა მეუღლემ, რომელიც იქ იმყოფებოდა, მითხრა, რომ როდესაც ექიმები მიკროსკოპით აკვირდებოდნენ ჩემი სიმსივნის უჯრედებს, უცებ დაიწყეს ყვირილი, რადგან აღმოჩნდა, რომ მქონდა პანკრეასის კიბოს იშვიათი ფორმა, რომელიც იკურნება ქირურგიული ოპერაციით. გამიკეთეს ოპერაცია და ახლა თავს კარგად ვგრძნობ.

მანამდე არასდროს ვმდგარვარ სიკვდილთან ასე ახლოს. და ვიმედოვნებ, არ მომიწევს მის პირისპირი დგომა კიდევ მომდევნო ათეული წლები. რადგან მე ეს გადავლახე, ახლა დანამდვილებით შემიძლია გითხრათ, რომ :

არავის უნდა სიკვდილი, იმათაც კი, რომლებსაც სურთ სამოთხეში მოხვერდა, მათაც კი არ სურთ მოკვდნენ ამის გამო. სიკვდილი - ეს არის ყველა ჩვენგანის ბედი. ვერავინ ვერასდროს გაექცევა მას. და ეს ასეც უნდა იყოს - სიკვდილი ეს ცხოვრების ყველაზე დიდი გამოგონებაა. ის არის ცხოვრების მოძრაობის მიზეზი. ის იშორებს ძველს, რათა გზა გაუხსნას ახალს. ახლა ახალი- ეს თქვენ ხართ. მაგრამ როდესმე ( არც ისე დიდი დრო დარჩა), თქვენც მოხუცდებით და მოშორდებით. მომიტევეთ, ასეთი დრამატიზმისთვის, მაგრამ ეს აბსოლუტური სიმართლეა.

თქვენი დრო შეზღუდულია, ამიტომ ნუ დახარჯავთ მას იმაში, რომ იცხოვროთ სხვისი ცხოვრებით. ნუ იქნებთ დოგმებში გახვეულები, რომელიც გაიძულებთ იცხოვროთ სხვისი ფიქრებით. ნუ მისცემთ ნებას სხვა ადამიანების აზრებმა ჩაახშოს თქვენი შინაგანი ხმა. და რაც მთავარი, იქონიეთ სიმამაცე, რომ მიყვეთ თქვენს გულსა და ინტუიციას, რადგან მათ უკვე იციან, სინამდვილეში ვინ გინდათ რომ იყოთ. დანარჩენი სხვა - მეორეხარისხოვანია.

(გ.ნ)
[Pasuxi][Cit]|